GIF - 139.8 كيلوبايت





الرئيسية أخبار مقالات ثقافة تحليلات أدب جاليات كاريكاتير لقاءات اتصل بنا من نحن؟

مختارات من لغن الحساني

الجمعة 10-01-2014| 07:14

امْحَمَّدْ بَنْ أَحْمَديُورَهْ:

مَا تَكْلَعْ شِ حَدْ امَّنْ هَــوْنْ****انْفَدْ مُقْيَ وَ اكْرَظْ مَنْ دُونْ

عًلْبْ الْمَارَدْ وَاكْرَدْ لَعْيُونْ****إِلَيْنْ امْنَينَ الْعَلْبْ ارْكَــــاكْ

وِايلَاجَ وَاطِ فَالْمَيْمُـــــــونْ****وَ افْكَيْرِينَاتْ أُمَا يَـــــنْظَاكْ

امَّلِّ مَا تَكْلَعْ شِ كُـــــــونْ****لِّ تَكْلَعْ شِ عَـــــــنْ لَخْلَاكْ

مَرْك العَيْنْ الْيَومْ الِّ عَيْــنْ****فِيهْ الْعَــــيْنْ أُ لَخْلَاكْ اتْفَاكْ

أُكَلْحَمْدْ الِّ لاَ مَرْكْ الْعَيْــنْ****مـَــــــاهُ لاَهِ يَمْرَكْ لَخْلاَكْ

مُحَمَّدْ عَبْدَ الله بَنْ مُحَمْدْ آسْكَرْ:

يَلِّ مِـــــــيِّتْ بِيكْ التَّدْبِيرْ ***أُمَنْ رَخْسَتْ عَقْلَكْ كَاعْ الْخَيْرْ

مَا تَخْتِيرْ اتْــمًوتْ أُتَخْتِيرْ***رَزْقَكْ يَتْلَاحَكْلَكْ مَنْ كَطْ

أَعْرَفْ عَنَْكْ يَعْطِيكْ الْخَيْرْ***لاَهِ تَخْلَطْ شِ مَا يَخْلَطْ

هُوَّ لُعْمَرْ وَالرَْزْقْ اكْدَادْ*** هَاذَ فَاللَّوْحْ اكْبَيْلْ انْخَطْ

أُكَدْ امْنَينْ اعْلَ وَاحَدْ زَادْ***يَنْخَطْ اعْلَ لَوْخَرْ يَنْخَطْ

مُحَمْدْ فَالْ بَنْ سَعِيدْ بَنْ عَبْدْ الْجَلِيلْ:

حَدْ اكْصَرْلِ ذَ الدّهْرْ أَكَطَارْ**** الَّدمْعْ اعْلَ دَارْ امْبَطَارْ

حَكْ انْ ذَاكْ اعْلَ مَثْلُ عَارْ****أُيَكْدَرْ يَكْصَرْ حَدْ اتْوَاسِيهْ

غِيرْ أَكَطَارْ الدَّمْعْ اعْلَ دَارْ****انْبَطَارْ ابْلَا غَرْظِ فِيـــــهْ

فَلْحَكْ انِّ نَتْفَـــــــــــــكَّدْ شِ ***فَمْ اعْيَيْتْ انْرَاهْ ابَدِيــــهْ

وِاتَمْ الَّدمْعْ الَّا يَمْــــــــــشِ***مَاهُ كَاعْ آنَ لَمَّـــــــــشِّيهْ

مُحَمَّدْ بَنْ هَدَّارْ:

لَحَّكْلِ يَلِّ لاَحِكْ تَلْ ****لَذَاكْ الْ محمد لَمِينْ

عنُّ بَعْدْ اطْفلْ مِتْعَدَّلْ ****غَيْرْ الكذب الَّ مَاهُ زَيْنْ

لَحَّكْلُ عَنْ كَذْبْ حَمْرَ****اعْيَاتْ اتْخَصَّرْ وَلْ امْرَ

أُلَحَّكْلُ عَنْ هَاذِ غدْرَ**** َوانُّ مَازَيْنْ اعْلِيهْ امْنَيْنْ

نَكْفَرْلِ فَانْوَيْبَ صَفْرَ***بَافُوكْ انْدُورُوهْ الُّعْوِين

إِكُومْ إِمَشِّيلِ بَكْرَ*** فِيهَ عَكَّ وَلَّ ثَنْتَــــــــــيْنْ

منقول





فيديو الديار




أدب حساني
تأهل خمسة شعراء موريتانيين في مسابقة أمير الشعراء
طلعة للأديب أحمد ولد الوالد في مدح خير البرية رسول الله صلى الله عليه وسلم
الناقد و الشاعر د.محمد عبدي:المنفى هو وجودٌ عتبيٌ ناقصٌ، يتمزق صاحبُه بين فضاءين .*
تحليلات
إلى عقلاء الموالاة
الحوار في ميزان المراقبين / محمد الأمين ولد الكتاب
نعم للحوار .. لكنْ متى؟ ومع من؟ ومن أجل ماذا؟ / الأستاذ محمدٌ ولد إشدو
© جميع الحقوق محفوظة لوكالة الدَيار الإخبارية